guhit ni: mangguhit

Lakas ng Loob!

2008-07-05T03:52:00.008+08:00

3:56 am.

Madaling araw na.
PUYAT na naman.
halos isang linggo nang sunod-SUNOD.

Gusto ko na sanang MATULOG...
busog pa eh,
dapat 2 oras pagkatapos kumain
(2:45am na ko kumain)
para daw nde lumaki ang tyan
at 'di maging ACIDIC...

kakauwi lang galing work, LHM,
... gumagawa ng patalastas.
INIUWI ko pa ang ibang trabaho,
internals namin sa MONDAY.
Hay naku,
...
...sa tuesday pa ang presentation.
Yung AMO kong intsik, sobrang ATAT makita
ang materyales...
dito ko na lang tapusin sa BAHAY,
pasok na lang ng maaga sa Monday para maprint.

MAG-ISA na ako kanina doon sa opis eh..
nauna na silang UMUWI kasi BUKAS(weekend)
...papasok SILA.
kanina natakot ako... sobrang tahimik
... nabingi ako,
...may naramdaman ako...
...sabihin ko pa ba?

Sobrang konsentreyt ko sa work,
nalimutan kung i-PLAY itunes ko...
..naka pause sa "Hindi Magbabago"
ni Randy Santiago.

...parang may kakaiba kanina...
hehehe 'langya!
Naalala ko si GILBERT tuloy,
teammate ko sa basketbol dito.
madalas manakot si Gilbert,
Dati nung wala pa pamilya ko dito sa SG
tumatambay kami sa bahay na nirerent din
nung isa naming teammate si Arbi.
(kaibigan ko na ngayon)
dun kami natutulog minsan.

Si Gilbert pag gabi na...
...at naglalakad kami sa MADILIM na kalsada,
biglang magpapanic SISIGAW ng malakas!
Sabay takbo... takot na TAKOT.
Ganun sya manakot... parang totoong totoo.

Kwento nya sa amin...
dun sa HDB flat na tinitirahan nya...
hindi ko maalala kung pang-ilang floor sila
wala pa raw 1year bago sila lumipat...
may NAGPAKAMATAY!
Tumalon sa bintana.

"Lakas naman ng loob mo" sabi namin sa kanya.
"PATAY na yon" sabi nya.
Mura nila ni-RENT ung buong Flat!
3bedrooms na.
Dun MISMO sa kwartong yon sya ang nag OCCUPY

Sandali...
kumutan ko lang mga anghel ko,
nilalamig eh.. hinaan ko na rin konti ang aircon.
syempre tulog na sila pagdating ko kanina.
Mga pang alis ng pagod ko.

Si Gilbert Angeles yung no. 27
Forward ang laro nya malaks sya mag REBOUND,
at matigas ang katawan sa DEPENSA.
Isa sya sa mga GUSTO kong kalaro.

July 01 2007.
08:57am Tuesday.
kasalukuyan akong papasok ng opis
LHM Advertising...
kumanta si Israel Kamakawiwo'ole...
"Somewhere Over The Raindow"
...ringtone ng handphone ko.
Si ARBI nag text!
ang MENSAHE:

"Mga kaibigan iniwan na tau ni Gilbert Angeles.
Natagpuan cyang PATAY sa rum nya kahapon ng umaga.
Hougang ave 7, nagbigti cya dala ng problema.
pagdasal natin kaluluwa nya.
Asa morgue ng Singapore
Gen Hospital ang katawan nya.
Dadalhin baka sa isang araw sa pinas."

'to muna.. pero babalik ako!

2007-09-06T16:24:00.001+08:00

Tagal na rin..

Talagang matagal na!

hehehee

mejo naligaw ng landas..

hirap bumalik..

Isa ito sa mga sampol ng trabahong

bumuhay sa pamilya ko

ng halos isang taon.

bumitaw ako sa Advertising agency

sumugal ako sa trabahong walang kasiguruhan..

Freelance.

okey naman.. nabuhay, napakain, nadamitan

at napagaral ko ang 3 kids ko...

Wala sa hinagap ko na lilipad ako at mata trap dito sa Singapore

Ni minsan di ko man sumagi sa isip ko ang ganito.

Pero andito na ko...

siguro ito talaga ang guhit ni mangguhit...

...ang nakaguhit sa aking palad...

ngayon di ko pa rin nakikita ang susunod kong lakbayin...

pero isa lang ang nasisiguro kong babalikan..

... at yan ang pagguhit ng komiks!

SALAMAT...

2006-10-27T01:29:00.000+08:00

....sa mga nagpakana, bumuo at nakilahok sa Komikon 2006.
Katulad nung nakaraang taon, wagi na naman tayong
mga tagalikha ng komiks, maganda ang naging kinalabasan.
At sana sa mga susunod pang mga taon ang industriya
ay umakyat sa mas mataas na antas pa.

...sa mga bumili nito...

...at nito

Marvelous Komiks prebyu, silipin ang art ng Dyesebel na guhit ni ng bagong saltang si Cheyenne Quitana

...at sa mga bumili ng Askals 1-3, at Flash Bomba

...at sa mga gusto pang magkaroon may mangilan-ngilan na lang natitirang kopya.

...sa mga tumangkilik at nakapansin...

Gerry A.
neva
Randy Valiente
Marc Dimaano
Budj
Xerx Javier
john becaro
mar macalindog
at sa mga iba pang bumili na di ko masyado pa kilala...

kay prof. cezar hernando, (sir di kita agad namukhaan dito na ko sa bahay ng mapagtanto ko na ikaw nga yun prof ko sa production design).

kay Daniel Sysing artist ng Flash Bomba. (Daniel ba o David? ha Reno?)

...sa mga nagpa sketch...sensiya na di masyado sanay eh..

at dun sa first na nag pasketch sa kin at humingi ng tips
sa pagdrawing, sorry di ko malala ang name mo,
di bale sa muling pagkikita di ko na malilimutan yan.

...kay nikki and friends sa UP CFA

kay Direk Louie Reyes
kay Doc.Prof. FAfa Boyet CaawaY
at sa Malikhaing Direktor na si Alex Gener (bagaman di naka rating dahil nagsilang ng sanggol ang kanyang asawa sa mismong kaarawan ng komikon).

....sa asawa ko na karamay sa pag tupi at pagstaple
ng mga komiks na Askals at Noisy Blood.
....kay Kwin, anak ko... at tagalista ng benta ng komiks.

at sa mga nakalimutan ko pa...
‘sensiya na.

at nga pala... sa mga nakapansin sa deleted na page ng askals3,
may pabuyang naghihintay sa inyo, he he he...
(biro- biro lang!)

MARAMING SALAMT SA INYO LAHAT! Balik tayo next Komikon!
Mabuhay ang Komiks natin!... Mabuhay!
Mabuhay ang patay! Mabu... 'wag....patay tayo jan.

ay oo nga pala bili kayo ng Filipino komiks... dyan art ni Rico Rival, Rodel Noora, Dante Barreno, atpb., sa mga nami-miss ang tradisyunal na pilipino komiks ito na yon...

at sa mga tropa ni budj dyan sa harrison...
mga nakadaupang palad si Ian Sta. Maria at Ka-jo Baldisimo (tindi ng mga kamay nito... tsk.. tsk..)
kahit naubusan ako ng trese 5 at 6...
At gumawa nga rin pala ako ng pin up para sa trese... hehehe Budj asan libre ko :)
bumili rin ako ng Elmer ni Gerry, Tropa ni Gilbert, Diyosa Hubadera ni Randy V.
at Kadiliman prebyu ni Ed Tadeo....nakakaaliw rin yung Kapitan barangay Captain. Pag patuloy lang natin to at sa mga hindi ko pa nabilhan neks tym naman...:)

Askals 3

2006-10-12T00:32:00.000+08:00

Matutunghayan sa Komikon sa UP bahay ng Alumni
ngayong ika-21 ng Oktubre ang Askals 3 (isa lang ito
sa mga ibebenta namin, iaanunsiyo ko na lang
sa ibang araw yung iba pa).
Pagpasensiyan nyo kami dahil kami’y biglang nawala---
sa mga kumuha dati ng Askals 1 at 2...at nabitin...
...ito na ang huling bahagi ng unang tatlo.

Sa katunayan Disyembre pa lang ng 2005 tapos na siya.
hindi lang masyado naasikaso talaga...
wala kaming nilapitan tindahan
para magbenta...ay meron pala, pero may problema
kaya di na rin natuloy, simula nun andyan na lang siya nakatabi...hanggang matakpan ng trabaho.

Tsaka eto pa ang maganda...
kauna-unahan sa kasaysayan ng pilipin komiks
meron itong deleted na pahina (naks parang dvd)
opo...di ko alam kung pa’no nangyari pero nangyari...
‘di lang sadya, di rin gimik...sumpa man...

Nangyari na pero wala namang pagsisisi
di naman masyado nakaapekto sa kwento
maliban lang kung mabilis ang mata nyo
mapapansin mo at hahanapin ito.

Dugtong nyo na lang kung saan he he he...
obyusli sa maaksiyong parte ito.

Doon nga pala kami sa sa table ng
Mars Ravelo’s Marvelous Characters
sila ay minor sponsor ng Komikon.
Kasama namin si Reno Maniquis ( Maskarado at
nagbigay ng bagong anyo ni Capt. Barbell).
Andun din si Dodo Dayao ang partner ko sa Askals.

Prebyu!

2006-08-19T07:13:00.002+08:00

Sa kasalukuyan ay may pinaglilibangan akong komiks
hindi ito banyaga, ito’y para sa ating mga pinoy, pilipino ang wika.
Hindi ko pa pwede sabihin ang pamagat kasi lihim pa (confidential).

Sa akin lahat ang art, (lapis, tinta at kulay),
Isa lang ang tumbok ng komiks...Pilipino Komiks, Para sa Pilipinas!

Bentahe sa akin ang ganito
kasi sa simula’t simula pa na magkomiks ako
ay pilipino komiks na ang tinitingnan ko.
Kumbaga nakaugat ang paraan ng pagguhit ko sa pilipino komiks.

(Guhit ko ito nung nagsisimula pa lang ako.)

Ang mga komiks artist na talagang naabutan ko
at kinamulatan, mga third generation na.
Ang sinasabi ko ay sina Mar Santana,
Hal Santiago, Lan Medina, Clem Rivera,
Steve Gan, Cal Sobrepeña, Noly Zamora
Joey Otacan, Toti Cerda at marami pa.
Sila man ay may mga sinundang “Kultura sa pagguhit”
Yan ay yung mga nauna sa kanila at kilala nyo na marahil
kung sino ang aking tinutukoy.

Ang mga ganitong estilo ng art ang kumiliti sa akin
upang humanay ako sa mga pilipinong mangguguhit
at maging kaisa nila. Ilan lang sila
sa mga naging inspirasyon ko at maaring
nakaimpluwensiya na rin.

Gayunpaman napahanga rin ako ng ibang lahi
katulad ni Katsuhiro Otomo, Hiroaki Samura,
at Hayao Miyazaki ay ilan lang sa mga hapones artist.
Ang iba pa ay sina Joe Quesada, Andy Kubert,
Joe Madureira, Travis Charest, John Paul Leon
at iba pang mga amerikano at latinong artist.
At masasabi kong kakaiba ang style nila.
Hindi maiaalis na may impluwensiya rin silang dulot sa ‘kin
At dahil sa kanila ayokong mangamba na ang kultura
na aking sinusundan sa pagguhit ay naglalaho na.

Kaya po ipinost ito gusto ko pong makakuha ng puna.
bagaman isang pahina lang ito.

Kung huhusgahan mo ito... may mababakas pa ba...
o gaano kapinoy ang artstyle na ‘to?
Ano pa ang kulang? o tama lang ba?

Syempre hindi ako kasing husay nina Whilce,
Leinil, Gerry, Anacleto, Carlo Pagulayan.
Sila’y nasa ibang antas. At ibang usapan na yon.

Para sa akin lang kasi na isang tunay na pilipino
Isang mahalagang bagay na mapagpahalagahan
ang pilipinong paraan ng pagguhit ng pilipino komiks.
Ang mga Hapon ay isang magandang halimbawa
na sa bawat estilo ng pagguhit nila mababakas mo
ang kanilang kulturaat sa pananaw ko sa ngayon
yan ang sa atin ay nawawala na.

Masasabi mo bang tunay na pilipino komiks na to?

Maaaring sabihin nating nagbabago ang estilo ng pinoy sa pagguhit,
pero dapat nakaugat pa rin sa Kulturang Pilipino.

NO COMMENT!

2006-08-09T19:26:00.000+08:00

Langya!!!!

Senya na po sa inyo lahat na dumadalaw sa blog na to!
kung napapansin nyo NO COMMENT ako sa mga comments nyo
yan po ay dahil sa hindi ko nakikita ang mga comments nyo!
ha ha ha langya.... tanga ko...

di po kasi ako mahilig talaga magkalikot ng blog ko
ngayon lang oras na to naisipan kong i-click
ang "moderate comments".... ayun naglabasan at nabasa ko sila
mga comments since nag stop kasi ako mag blog january pa.

hrrrr pag aralan ko nga to...
hindi ko pa kasi lahat nabasa meron pang iba di ko ma-klik.

tulong! pano to???

sorry kay reno, (eto bawi ako sau...exodus, para sau pre)
kay vince ('pre kelan mo ko batuhan ng board),
budj, tobie, gilbert, wylz
at sa iba pang di nabanggit...
salamat sa mga comments/pagdalaw nyo.

Okey maiba naman
Exodus base sa pelikula ni bong revilla,
si reno ang main man at ako ang support
ibig sabihin akin ang background at coloring,
at sa kanya ang main art.

Ito ay colaboration namin ni reno
na walang kinahinatnan...
ito ay halos tatlo lang sa sampung pahinang nai-guhit ni reno
at ako may pitong pahina nalagayn ng b.g. at nakulayan...
at isang print ad...he he eh pero okey lang
isama na lang natin sa karanasan.

ika nga sa pamagat: NO COMMENT!

Elmer at Piyok

2006-08-05T03:32:00.000+08:00

Kay Elmer naalala ko si Piyok.
katulad ni Elmer siya ay isang manok rin
na binigyang buhay din sa komiks(pilipino)
noong kung hindi ako nagkakamali ay
early 80's.

Hindi ko naman talaga nasubaybayan
ang kwento nito pero naaalala ko
na si Piyok ay isang panabong na manok
at piki ang paa (knock-kneeded).

Si Mar Santana yata ang gumuhit
(di ako sure) at hindi ko na maalala
kong sino sumulat.

di ko siya malimutan kasi sa eskwelahan
madalas ko siya i-vandal. he he he

isang araw sana makapagsend ako
kay gerry ng version ko ng Elmer.

o ng Piyok.

Gaiman pa man...

2006-08-05T02:48:00.000+08:00

Paumanhin po kung sa mga nakaraang araw/buwan
ay wala kayong makitang bago dito.
Sadyang ganyan lang talaga ako.
May mga panahon na ayaw ko lang talagang magparamdam.
Sabihin na nating mas inuuna ko’ng pakainin
ang aking pamilya at paliguan ang aking aso.
Kailangan eh...priority kumbaga.

Gaiman pa man...nagpaparamdam akong muli,
ito’y sapalagay ko’y dahil sa mga taong
hindi mapalagay na sa tingin ko’y dapat mapalagay.
(he he eh malabo yata? ...palagay nyo?)

At ito nga po yon....

May nakarang paligsahan akong sinalihan...
ah.. actually kaming sinalihan kasam si Dodo ang writer
ito’y naging isang magandang karanasan para sa akin.
Sa isang katulad kong pilipino,
ang makilahok sa ganitong klaseng patimpalak
ay nakapagbibigay ng kakaibang kasiyahan,

Ang paligsahan ay tungkol
sa pagalingan sa paggawa ng kwento
at paglikha ng komiks sa paraang pilipino.
Pwedeng sumali kahit sino,
oo kahit amerikano... basta pilpino.
amateur man o prupisyonal. babae o lalaki.
Ito ay kauna-unahan sa pilipinas
sa pamamagitan ng Fully booked at ni Niel Gaiman
(isang tanyag na nobelista sa buong mundo).
ang paligsahan ay pinamagatang:

THE FIRST PHILIPPINE GRAPHIC/ FICTION AWARDS
BY NEIL GAIMAN & FULLY BOOKED:

Sa simula pa man ang layunin ko na sa pagsali
ay pansariling katuparan lamang...
maka-entry lang ba, okey na... masaya na.
Sasabihin ko na hindi naman masyado minadali
ang pagkaguhit kumbaga ay tama lang
na hindi naman na kahiya-hiya..
Ngunit syempre sa bandang huli katulad ng iba
ay isa na rin ako sa mga umaasaat nagbabakasakali
na sana mapasama o kahit mapansin man lang syempre
tao lang naghahangad din.

At ayan na nga, dumating ang sandaling hinihintay
ang kinalabasan ay hindi ayon sa aking iniisip
gayon din sa iba... marami ang nagpuna
marami ang nagtanong ...Bakit ganon?
Maging ako manay bahagyang napaisip

Ngunit naisip ko sadyang ganon talaga.
Sadya lang talaga na may kanya-kanya opinyon
ang bawat isa may maganda sa akin
at hindi naman para sa kanila
Ganon din sa mga hurado, haluan pa natin ng
kung anu-anong controbersiya, at kung anu-ano pa
ang bawat isa ay may sariling panlasa.
Sadyang ganon talaga ang contest, dapat nakahanda ka.
Handa kang manalo, lalong handa kang matalo.

Ngunit ako alam ko ako panalo... bakit kamo?
alam ko na panalo ako kasi
na-enjoy ko ang pagguhit sa bawat sandali
at ang karanasan ay siguradong mamalagi..
pero ang higit sa lahat binigay ko
ang sa tingin ko ay pinakamatind, ang panlasang pinoy.

Hindi na mahalaga kung napansin nila
para sa akin ang pansariling kasiyahan
ay aking napahalagahan.
(Dodo, hindi ka maniniwala pero ang mga awit ni
Diomedes Maturan ay paulit ulit kung pinapakinggan...
he he he... wagi talaga!)

Gaiman pa man..
ito naman ay para sa akin at opinyon ko lamang.

Mars Ravelo shirts

2006-04-02T11:46:00.000+08:00

Mars Ravelo shirts. Available na po at all BRANDED stores (kiosks). sa SM malls siya makikita, meron sa Megamall at sa SM Southmall. SA Megamall branch ay nasa third floor, Bldg. A, near the cinemas. Ang Captain Barbell shirts ay disenyo/guhit ni Reno Maniquis.
Lastikman and Darna ay disenyo/guhit ni: mangguhit.

Darna!

2006-02-11T00:44:00.000+08:00

Design para sa T-shirt
pero di yata natuloy
Post ko na lang dito
matagal-tagal na rin di nagagalaw
inaagiw na! he he he....
pasensiya na po dami trabaho!

Astig!

2005-12-25T00:51:00.000+08:00

Hindi ko alam kung sino nagdrowing,
nakita ko lang dito: Pacland,
minsan nakakaaliw din talaga gumawa ng caricature.

tsaka January pala Manny Pacquiao and Erik Morales
epic 12-round showdown, called "The Battle."

Pasko ay Sumapit na!

2005-12-25T00:35:00.000+08:00

Maligayang Pasko sa inyong lahat!
Sana mabuhay pa ang mundo ng komiks natin,
at mabuhay ang mga mangguguhit ng Pilipinas!
God Bless!

Dagdag pahina

2005-12-15T13:40:00.000+08:00

Masyado yata talaga kaming mitikuloso ni Dodo,
nagdagdag pa kami ng mga ilan-ilang pahina sa Askal 3.
Konting pantahi lang sa kwento...

Ito ang una naming pagsubok sa pagawa ng komiks,
kaya amenado na may mga konting butas.
Ganyan talaga, patuloy ang pag-aaral.

Maglalagay ako ng anunsiyo tungkol sa paglabas
ng huling issue(3)ng askals kung kelan
at saan pwede makakuha,
Malapit na!

WolveKen

2005-12-09T17:55:00.000+08:00

Patalastas muna

2005-11-17T17:57:00.000+08:00

Isa sa mga storyboard na walang kinahinatnan...
Product endorser sana si Cezar Montano.
Wala lang... 1998's pa yata ito.
Bago pa lang ako natututong magkulay sa Photoshop.
Miss ko na rin yung mahaba-habang oras sa paggawa ng storyboard.
Mas nakaka-enjoy.
Di ko na maalala kung si Alex o si Dodo ang ka-team ko dito.

Lastikman

2005-11-15T20:02:00.000+08:00

Opo, si mangguhit ang nagbagong anyo kay Lastikman
na tinampukan ni Mark Bautista at Sarah Geronimo.

Hanggang sa papel lang ako kasali,
Wala akong alam dun sa pelikula he he he...

2005-11-14T16:33:00.000+08:00

isang panel sa Askals3.
Ang huling yugto, may 30 pahina ito
hindi pa sigurado kung saang tindahan ilalagak,
pinag uusapan pa namin ni Dodo.
Ang unang dalawa ay malapit ng maubos.
wag mag-atubili... bumili na kayo.

Abangan sa Disyembre 2005.

Angal ka ha? Ha?!

2005-11-08T21:16:00.000+08:00

Pasensiya na kayo...
ang taong to ang pinaka madali kong mahagilap
pag kailangan ko na huwaran...

>

Salamin yung dinodrowing ko...
yan ang kinalabasan. he he he.

Salamat kay Reno, Gerry at iba pa

2005-11-05T00:30:00.000+08:00

Maraming salamat sa mga tumangkilik at umalalay sa Askals 1&2
Ngayon ay sigurado na may issue 3 na.

Totoong naging matagumpay ang kaunaunahang Komikon.
Yun ang unang pagkakataon kong makaranas
ng ganoong klase ng "Pakana" (yun din ang unang lagda ko
sa mga komiks ko he he he).
Wala man akong basehan ng paghahambingan,
sa nakita kong pakikiisa at pakikisaya
ng bawat grupo na narororon ay nasaksihan ko
ang lubos na kasiyahan. Hindi ako magtataka
kung sa mga susunod pang mga taon ay maulit
at mas maging matagumpay pa ito.

Ako man ay nalubos ang kasiyahan ng makadaupang palad ko
ang komik superstar na si Leinel Yu,
Salamat din kay Edgar Tadeo, Marco Dimaano,
Arnold Arre, Budjette Tan , kay Reno Maniquis na naghain ng tulong
para mapakawalan sa booth ni Maskarado ang Askals.

At kay Gerry Alanguilan na totoong laging nariyan at handang magbigay ng suporta sa mga gustong magkomiks.

Ang puna na ito ay nabasa ko sa journal ni Gerry, salamat sa pagbigay-pansin
sa guhit ni: mangguhit

"Manning the booth kept me pretty busy and I never really had a chance to go around and check out what the other groups have come up with. I did manage to get some mini comics from some booths, and one of the most remarkable ones I got was Askals #1 and 2 by Dodo Dayao and Bong Leal.

Bong Leal is one of the most remarkable Filipino artists I've seen in a while. Budjette Tan recently uploaded a pre-hispanic story that Bong illustrated that just blew my socks off. So when I learned that he was drawing Askals, I made sure I got copies.

The attention to detail is amazing. Their depiction of Quiapo is authentic and well executed. If I can offer anything constructive, it would be 2 things. First would be my wish to see all of the pages inked. The uninked pages contrast heavily with the pages that have been inked, as the latter all look excellent. It gives an impression that the world is somehow unfinished, and makes you wish you could go back at a later date until it's done.

The 2nd would be the appearance of the gangsters cruising the Quiapo streets in a topdown, an image that seems more consistent with African-American gang culture rather than Filipino gang culture. The imagery is a little distracting, specially when contrasted with the authentic Quiapo backdrop.

Aside from that, I think this is a pretty good effort, and I'm definitely there for the next issue".

365 days of freedom

2005-10-19T19:40:00.000+08:00

1998.
Image Dimensions Advertising.
Isang ambag ko ito bilang paggunita
at pagdiwang ng ika-sandantaon taong kalayaan
ng Pilipinas mula sa pagkakasakop ng Espanya.

Bilang pakana ng aming presidente(Nonna),
ang bawat isa sa aming tanggapan ay naatasang lumahok.
Ibat-ibang uring likhang sining, may oil paint sa canvass,
water kolor, pen and ink, colored pencil,
maskarang bading, may cake desayn, air brush,
tula, kwento, may Kulads, may litrato, may menu
at syempre pa may komiks. Inipon at inihulma
sa isang libro ng talaarawan upang ipamigay ng libre.

Komiks sa kanbas na may pamagat na: "Ebidensiya"
Guhit ni: mangguhit

Santa's Search

2005-10-18T19:44:00.000+08:00

Agosto pa lang siguro nun kung hindi ako nagkakamali,
pampaskong script na ang ibinigay sa akin
ng editor(na hindi ko na maala-ala
ang kanyang pangalan)ng Terror komiks
ng Mass Media Publication.
Magkalapit lang sila
ng Atlas kung kaya't minsan
ay dumadaan na rin ako.
Makailang beses din akong sumubok kumuha
ng script dito. Sa totoo lang ay hindi din
ganuon kabilis magbigay ng script ang mga editors
lalo na't bagito lamang ako.
Gayundin sa Atlas na unang nagbigay
ng pagkakataong sa akin
na makaguhit sa komiks.

Sa akin naman ay gusto ko lang talagang sumubok magdrowing
at makita lang ito sa lathala ay isa ng kasiyahan.
Isang munting pangarap na nabuo sa pagnanasang gayahin
ang mga guhit nina Clem Rivera, Nestor Malgapo, Hermoso Pancho,
Cal Sobrepeña, Rico Rival, Mar Santana, Lan Medina
at marami pang ibang magguguhit na madalas kung tingnan.

Kahit abala ako sa pag-aaral ay nagagawa ko pang isingit
ang pagguhit ng komiks na hindi ko na maalala
kung ilang araw o lingo din bago ko natapos.
Isang magandang karanasan ito na hanggang ngayon ay nasasariwa
sa tuwing masusulyapan ko itong guhit ni: mangguhit

Story: Carl E. Bayonito
Illustration: Bong Leal

Ambag ko sa mundo

2005-10-18T19:19:00.000+08:00

Isa sa mga pinaka cute na ginuhit ni: mangguhit

Habang tulog

2005-10-07T21:51:00.000+08:00

Nabuklat ko lang ang sketch kong ito isang gabi habang
inaayos ko ang sandamukal kong kalat.
May katagalan ko na rin palang hindi ako nakakaguhit
ng ganito...in-sketch ko ito gamit ang pentel brush...
Kapag relaks ay madaling nagagawa
ang ganitong klaseng guhit ni: mangguhit

Ang modelo ko nga pala ay walang iba kundi ang aking mahal na maybahay.

Oras

2005-10-05T20:55:00.000+08:00

Isang panel sa kasalukuyan kong pinagkakaabalahang komiks na di matapos-tapos.
Sabado't linggo lang talaga ako nakakadrowing, minsan hindi pa.
Sa trabaho ko, sinusulit kami ng husto kaya pagdating ng bakasyon talagang pahinga lang.
Mahirap din kasing gumuhit pag-uwi galing sa opisina bukod sa gabi na,
pagod ka pa at syempre humihingi rin ng oras ang aking mga bulilit at asawa na gustong maglambing.
Minsan nga naiisip ko na ang bawat sandaling ginugugol ko sa pagguhit
ay siya ring sandaling oras na inaagaw ko sa kanila.

Kaya ang munting 'nyong pagtanaw aking ginuhit ay katumbas ng mahahalagang oras na inamot ko sa kanila.

Salamt sa mga nag-ukol ng pansin sa guhit ni: mangguhit

Pagnasaan nyo!

2005-09-29T15:32:00.000+08:00

IPINAKIKILALAHHH....(mala boses ng trailer ng pelikulang pinoy) ang walang kahalupilip na alindoghhh...ahhh
...KAAKIT-AKITHHHH... at nagtataglay ng...biyayang natatangi lamang sa kanyahhhh...marami ng karanasanang sa mga GUHIT...
... pahigahhh...patayohhh...patagilidhh...paupo at iba't ibang klase't
posisyon ng guhithhh...
tunghayan....walang kakupas-kupas...
na mga guhit ni: mangguhithhhh... MALAPIT NA!

Ip it is prom mangguhit....It mas be Gu(d)hit!